بالی ووڈ میں آج کل ری میک بننے کا سلسلہ زوروں سے جاری ہے ، اس وقت سلمان خان کی سپر ہٹ فلم  بجرنگی بھائی جان 2 بننے کی خبریں گردش کر رہی ہیں۔

2015  میں‌ریلیز کی گئی بجرنگی بھائی جان کو شائقین نے بے حد پسند کیا۔

اس فلم کے مصنف کے وی وجیاندرا پراساد نے سیکوئل کی خبروں‌ کی تصدیق کرتے ہوئے کہا ہے کہ بجرنگی بھائی جان کا سیکوئل بنائے جانے کی تیاریاں کی جا رہی ہیں اور اسکرپٹ بھی تیار ہے۔

وی وجیاندرا پراساد نے ایک انٹرویو کے دوران پوچھے گئے سوال کے جواب میں بتایا کہ سلمان خان کو فلم کے سیکوئل کی اسٹوری سنا دی گئی ہے انہوں‌ نے پسند بھی کی ہے جیسے ہی ان کی طرف سے فلم کی شوٹنگ کا اشارہ ملے گا یقینا عملی طور پر کام شروع ہوجائے گا۔

فلم کے رائٹر نے کہا کہ یہ فلم اپنے پہلے حصے کا تسلسل ہوگا اور اس میں آٹھ سے 10 برس کے دورانیے کو آگے جا کر دکھایا جائیگا۔

واضح رہے کہ بجرنگی بھائی جان میں سپر استار سلمان خان کے ساتھ  کرینہ کپور، ہرشالی ملہوترہ اور نوز الدین صدیقی نے اہم کردار ادا کئے۔

. بجرنگی بھائی جان کے سیکوئل میں سلمان خان کے علاوہ اور کون کون سے اداکار جلوہ گر ہرنگے فی الحال اس حوالے سے تفصیلات آنا ابھی باقی ہیں۔