پاکستان شوبز انڈسٹری کے دو بڑے نام اداکار فہد مصطفٰی اور اداکارہ ماہرہ خان اپنی نئی فلم’قائد اعظم زندہ باد‘ کی پروموشن کے لئے لاہور پہنچ گئے ہیں۔

تفصیلات کے مطابق میڈیا سے گفتگو کرتے ہوئے فہد مصطفٰی نے کہا کہ اس فلم میں دیکھنے والوں کو ایکشن، سسپنس، کامیڈی سب ملے گی۔

انہوں نے کہا کہ فلم کی کہانی کے ذریعے معاشرتی ایشوز کو اجاگر کیا ہے، فلم میں جو ڈائلاگز شامل ہیں اس کا کسی سیاسی جماعت سے تعلق نہیں ہے۔

اداکار نے مزید کہا کہ شاہ رخ خان بڑے اداکار ہیں  انہیں دیکھ کر ہم اداکاری کی طرف آئے۔

اس موقع پر اداکارہ ماہرہ خان نے کہا کہ یہ فلم جس محنت سے بنی ہے، لوگ عید پر ضرور فلم دیکھنے آئیں، کوشش ہے کہ جب بھی کوئی فلم بنائی جائے لوگوں کی پسند سامنے رکھی جائے۔

ماہرہ خان نے مزید کہا کہ لاہور آکر ہمیشہ محبت ملتی ہے۔

اس موقع پر میں فلم کی پروڈیوسر فضا علی مرزا اور ڈائریکٹر نبیل قریشی بھی موجود تھے۔

یہ فلم عید الضحٰی کے موقع پر ریلیز کی جائے گی۔

اس سے قبل فہد مصطفٰی فلم ’لوڈ ویڈنگ‘ ، ’ایکٹر ان لاء‘، ’جوانی پھر نہیں آنی‘ اور کئی پروجیکٹس میں اپنی اداکاری کے جوہر دکھا چکے ہیں۔

ماہرہ خان فلم’رئیس‘، ’بن روئے‘ اور کئی ڈرامہ سیریلز میں اپنی اداکاری سے لوگوں کے دل جیت چکی ہیں۔