مشہور بھارتی ریئلٹی شو بگ باس کا 16واں سیزن رواں سال ستمبر میں پیش کیا جائے گا جس کا مداح بےصبری سے انتظار  کر رہے ہیں۔

بگ باس میں ہر سال سیٹ کے ڈیزائن سے لے کر شرکا ء تک سب کچھ بدل جاتا ہے مگر میزبان بالی ووڈ کے اداکار سلمان خان ہی رہتے ہیں، سلمان خان جو 13 سال سے زیادہ عرصے سے  بگ باس کے ساتھ منسلک ہیں شو کے 16ویں سیزن میں بھی میزبانی کریں گے۔

تاہم اس مرتبہ وہ اس  شو کی میزبانی کرنے کیلئے کتنا معاوضہ مانگ رہے ہیں جان کر آپ کے بھی ہوش اُڑ جائیں گے۔

بھارتی میڈیا کی رپورٹ کے مطابق  معروف ادکارنے بگ باس 16 ہوسٹ کرنے کیلئے 1000 کروڑ روپے سے زیادہ کا مطالبہ کیا ہے۔

بھارتی میڈیا نے دعویٰ  کیا کہ سلمان خان  نے بگ باس سے تین بار معاوضے میں اضافے کا مطالبہ کیا جو کہ نہ بڑھایا گیا تاہم پچھلے کچھ سیزن میں کوئی بڑا اضافہ نہ ملنے پر اس مرتبہ سلمان خان اٹل ہیں کہ جب تک انہیں معاوضے میں اضافہ نہیں ملتا، وہ شو کی میزبانی نہیں کریں گے۔

تاہم سلمان خان کی جانب سے بھارتی میڈیا کے اس دعوے کی تاحال کوئی تصدیق نہیں کی گئی ہے۔

یاد رہے کہ سلمان خان بگ باس کے پچھلے سیزن میں 350 کروڑ سے زائد معاوضہ وصول کر چکے ہیں۔