بالی ووڈ اسٹار ایشوریا رائے سے متعلق بھارتی سوشل میڈیا پر یہ قیاس آرائیاں جاری ہیں کہ ان کے گھر ننھے مہمان کی آمد متوقع ہے۔

حال ہی میں ممبئی ائیرپورٹ پر ایشوریا رائے کو شوہر ابھیشیک بچن اور بیٹی ارادھیا بچن کے ساتھ دیکھا گیا جس کی تصاویر اور ویڈیوز  سوشل میڈیا پر وائرل ہو گئی ہیں ۔

وائرل تصاویر اور ویڈیوز نے مداحوں کو تجسس میں مبتلا کردیا کہ شاید وہ واقعی دوسری بار حاملہ ہیں۔

کچھ مداحوں کا کہنا ہے کہ ایشوریا نے اوورکوٹ کو پہن کر اپنے حاملہ ہونے کی خبر چھپانے کی کوشش  کی ہے۔

تاہم ان افواہوں کو دیکھتے ہوئے ایشوریا رائے نے اپنی آنے والی فلم کا پوسٹر شیئر کرتے ہوئے کہا کہ افواہوں میں کوئی صداقت نہیں ہے۔

ایشوریا رائے کا کہنا تھا کہ اس وقت ان کی پوری توجہ آنے والی   تامل، ہندی فلم سن آف پونی پر ہے۔

واضح رہے کہ اداکارہ اس فلم میں ڈبل کردار ادا کر رہی ہیں۔