پاکستانی اداکارہ زارا نور عباس نے مداحوں کو شادی سے متعلق اہم مشورہ دیا ہے۔

حال ہی میں اداکارہ نے ایک شو میں بطور مہمان شرکت کی، جہاں ناظرین کو ازدواجی زندگی کے بارے میں چند اہم مشورے بھی دیے۔

اُنہوں نے کہا کہ اگر آپ شادی سے صرف رومانٹک ڈنر چاہتے ہیں تو شادی کرنے کے بارے میں ہرگز نہ سوچیں۔

اداکارہ کا کہنا تھا کہ لیکن اگر آپ ایک خاندان کی ذمے داری قبول کرنے اور اس  کی قدر کرنے کے لیے تیار ہیں تو شادی کرنے کے بارے میں ضرور سوچیں۔

زارا نور عباس نے کہا کہ آپ کو پہلے یہ جاننا چاہئیے کہ آپ زندگی میں کیا چاہتے ہیں اور آپ کی ترجیحات کیا ہیں، پھر اس کے مطابق فیصلہ کریں۔

واضح رہے کہ اداکارہ زارا نور عباس سوشل میڈیا پر کافی متحرک نظر آتی ہیں۔