عالمی شہرت یافتہ امریکی گلوکارہ ریحانہ امریکا کی سب سے کم عمر ارب پتی بن گئیں۔

غیر ملکی خبررساں ادارے کے مطابق مشہور امریکی بزنس میگزین فوربز کی رپورٹ کے مطابق 34 سالہ امریکی گلوکارہ ریحانہ نے حال ہی میں مسلسل تیسرے سال امریکا کی امیر ترین خواتین کی سالانہ فہرست میں جگہ بنالی ہے۔

رپورٹ کے مطابق گلوکارہ کی مجموعی مالیت اب 1.4 بلین ڈالرز ہے اور مجموعی طور پر وہ21 ویں نمبر پر ہیں۔

ریحانہ اس فہرست میں شامل 40 سال سے کم عمر واحد ارب پتی خاتون ہیں۔

گلوکارہ نے اپنے کامیاب میوزک کیریئر اور کاروباری منصوبوں جن میں فینٹی بیوٹی، فینٹی اسکن اور سیویج ایکس فینٹی سے اپنی خوش قسمتی کمائی ہے۔

یادرہے کہ ریحانہ کی کمپنی سیویج ایکس فینٹ ایک ابتدائی عوامی پیشکش پر مشیروں کے ساتھ کام کر رہی ہے جس سے کمپنی کو 3 بلین ڈالر یا اس سے زائد کا فائدہ ہوسکتا ہے۔

تاہم گلوکارہ مندرجہ بالا منصوبوں کے علاوہ بھی کئی کاروباری منصوبوں پر کام کر رہی ہیں۔

واضح رہے کہ فوربز کی رپورٹ کے مطابق ریحانہ کو اپنے آبائی ملک بارباڈوس سے ارب پتی بننے والی پہلی خاتون ہونے کا اعزاز بھی حاصل ہے۔