پاکستان شوبز انڈسٹری کی مشہور اداکارہ آمنہ الیاس اکثر اپنی تصاویر سوشل میڈیا پر شیئر کرتی رہتی ہیں لیکن کئی بار انہیں تنقید کا سامنا کرنا پڑتا ہے۔

حال ہی میں اداکارہ نے اپنے انسٹاگرام اکاؤنٹ پر چند تصاویر شیئر کیں جس کی وجہ سے انہیں کافی تنقید کا سامنا کرنا پڑ رہا ہے۔

شیئر کی گئی تصاویر میں دیکھا جاسکتا ہے کہ اداکارہ نے سیاہ رنگ کا غیر مناسب لباس زیب تن کیا ہوا ہے۔

تصاویر سوشل میڈیا پر وائرل ہوتے ہی تہلکہ مچ گیا اور صارفین نے اداکارہ کو تنقید کا نشانہ بنانا شروع کردیا۔

کچھ صارفین انہیں اچھا لباس پہننے کا مشورہ دیا جبکہ کچھ نے اداکارہ کو اپنا کلچر یاد دلایا۔

واضح رہے کہ معروف اداکارہ نے ڈرامہ سیریل ’ایک جھوٹا لفظ محبت‘، ’رم میرے پاس رہو‘، ’دیوارِ شب‘ اور کئی ڈراموں اور فلموں میں اپنی اداکاری کے جوہر دکھائے۔