بالی ووڈ اداکارہ جیکولین فرنینڈس کی پہلی ہالی ووڈ فلم کا پوسٹر سوشل میڈیا پروائرل ہو گیا۔

غیر ملکی خبر رساں ادارے کے مطابق فلم ’Tell it Like A Woman‘ کی ڈائریکشن 8 خواتین فلمسازوں نے دی ہے۔

اداکارہ جیکولین نے فوٹو اینڈ ویڈیو شئیرنگ ایپ انسٹاگرام پر فلم کا پوسٹر شیئر کیا۔

جیکولین کی جانب سے شئیر کیے جانے والے پوسٹر کی کیپشن میں اداکارہ نے  لکھا کہ وہ اس فلم کی غیر معمولی ٹیم کا حصہ بننے پر بہت نازاں ہیں۔

انہوں نے مزید کہا کہ مجھے اس خصوصی سفر کا حصہ بنانے کا شکریہ اور میرے پروڈیوسرز کا بھی بہت شکریہ جو اس شاندار فلم کے انجن کی حیثیت رکھتے ہیں۔

اس فلم میں ہالی ووڈ فلم میں جینیفر ہڈسن، تارا جی ہینسن، کیرا ڈیلیونجی سمیت دیگر اداکاراؤں نے حصہ لیا ہے۔

تاہم اس ہالی ووڈ فلم کی عکسبندی اٹلی، بھارت، جاپان اور امریکا میں ہوئی ہے اور اسے اسی سال ریلیز کیا جائے گا۔

قبل ازیں جیکولین فرنینڈس 2015 میں ایک برطانوی ہارر فلم ’Definition of Fear‘ میں اداکاری کر چکی ہیں۔