پاکستانی ڈرامہ و فلم انڈسٹری کی معروف اداکارہ ماہرہ خان کا کہنا ہے کہ مجھے اپنے لیے آئٹم سانگ مناسب نہیں لگتا۔

اداکارہ نے ایک انٹرویو کے دوران آئٹم سانگ سے متعلق پوچھے گئے سوال پر اپنی فلم سپر اسٹار میں کیے گئے سب سے آخری آئٹم سانگ نوری سے متعلق کہا کہ مجھے آئٹم نمبر کا لفظ ہی سمجھ میں نہیں آتا۔

انہوں نے کہا کہ میں نے پچھلے سال آئٹم سانگ نوری کیا تھا، آئٹم سانگ نوری فلم کے لیے بہت ہی ضروری تھا اس لیے میں نے اس پر ہاں کہہ دی تھی۔

ماہرہ خان کا کہنا تھا کہ مجھے نہیں لگتا کہ کسی بھی فلم کے لیے آئٹم سانگ اہمیت رکھتا ہے، بطور اداکارہ جو میرے پاس اسکرپٹ آئے گا یا جو مجھے اچھا لگے گا میں وہ کروں گی، مگر مجھے اپنے لیے آئٹم سانگ صحیح نہیں لگتا۔

واضح رہے کہ اداکارہ ماہرہ خان گزشتہ دنوں اپنی ریلیز ہونے والی نئی فلم قائدِ اعظم زندہ باد کی پروموشن میں کافی مصروف تھیں۔