پاکستان شوبز انڈسٹری کی دو مشہور ادکارہ عائزہ خان اور ریشم خان اکثر سوشل میڈیا پر متحرک نظر آتی ہیں اور اپنی تصاویر اور ویڈیوز شیئر کرتی رہتی ہیں۔

حال ہی میں اداکارہ عائزہ خان نے اپنے انسٹاگرام اکاؤنٹ پر ایک ویڈیو شیئر کی ہے جس میں دونوں اداکاروں کو ڈانس کرتے ہوئے دیکھا جاسکتا ہے۔

ویڈیو میں دیکھا جاسکتا ہے کہ دونوں ادکاریں بالی وڈ کے مشہور گانے ’لندن ٹھمکدا‘ پر ڈانس کر رہی ہیں۔

ویڈیو میں دیکھا جاسکتا ہے کہ دونوں اداکریں دولہن کے اوتار میں ملبوث ہیں۔

ویڈیو کے کیپشن میں عائزہ خان نے لکھا کہ ’ریشم خان‘ بہت اچھی انسان ہیں،اور میں یہ ظاہر کرنے کا انتظار نہیں کر سکتی کہ ہم نے مل کر کیا کیا‘۔

دوسری جانب دونوں ادکاروں کی ایک اور ویڈیو وائر ل ہوئی جس میں دونوں کو  گانا’میرے پاس تم ہو‘ گاتے ہوئے دیکھا جاسکتا ہے۔

ریشم خان کی اس ویڈیو کے کمنٹ میں عائزہ خان نے لکھا کہ ’ریشم جی میں بہت خوش نصیب ہوں کہ میرے پاس تم ہو‘۔

ادکارہ ریشم خان نے ڈرامہ سیریل’مٹھی بھر چاہت‘، ’معصوم‘، ’عشق عبادت‘ اور کئی ڈراموں میں اداکاری کے جلوے دکھائے جبکہ اداکارہ عائزہ خان نے  ڈرامہ سیریل’مہر پوش‘، ’چوہدری اینڈ سنز‘، ’چھپکے چھپکے‘، ’میرے پاس تم ہو‘ اور کئی ڈراموں میں اپنی ادکاری سے مداحوں کو متاثر کیا۔