پاکستان کے معروف اداکار عثمان مختار کی سالگرہ کے موقع پر اداکارہ کبریٰ خان نے ان کی مزاحیہ ویڈیو شیئر کردی۔

اداکارہ کبریٰ خان نے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی ہے۔

شئیر کی گئی ویڈیو کے کیپشن میں انہوں نے لکھا کہ یہ ہے میرا دوست عثمان، اس کو ہارر فلم دیکھنے اور ہارر کہانیاں سننے کا بہت شوق ہے،اور اسے اونچائی سے ڈر لگتا ہے۔

اداکارہ نے لکھا کہ آج اس کی سالگرہ ہے اور میں چاہتی ہوں ،ہم سب مل کے میرے پیارے دوست کے لیے ایک اجتماعی دعا کریں۔

کبریٰ خان نے لکھا کہ یااللہ ، عثمان کو یہ سمجھ عطا فرمائے کہ نقلی آنکھ پہن کو اونچائی سے چھلانگ لگانے پہ کوئی نہیں گرتا۔

انہوں نے لکھا کہ یااللہ ،اس پیارے انسان کو یہ بتائیں کہ پرینک صرف وہ ہی نہیں کرسکتا ، اس کے دوست بھی کرسکتے ہیں۔

اداکارہ نے لکھا کہ یااللہ ،اس دوست کو بہترین سے نوازیں کیونکہ وہ کسی بھی چیز سے کم کا مستحق نہیں ہے۔

اداکارہ کی جانب سے شئیر کی گئی ویڈیو کو مداحوں کی جانب سے بہت پسند کیا جارہا ہے اور مختلف تبصروں کا سلسلہ بھی جاری ہے۔