پاکستان شوبز انڈسٹری کی مشہور اداکارہ آمنہ الیاس کو اکثر اپنی تصاویر اور ویڈیوز کی وجہ سے تنقید کا سامنا رہتا ہے۔

حال ہی میں اداکارہ نے اپنے انسٹاگرام اکاؤنٹ پر ایک ویڈیو شیئر کی جس میں انہیں ’آتش‘ گانے پر ڈانس کرتے ہوئے دیکھا جاسکتا ہے۔

یہ گانا ان کی نئی آنے والی فلم ’چوہدری ‘کا حصہ ہے۔

ویڈیو سوشل میڈیا پر وائرل ہوتے ہی مداحوں کی جانب سے شدید غصے کا اظہار کیا گیا اور کہا گیا کہ ہمارا کلچر ایسا رقص کرنے کی اجازت نہیں دیتا۔

ویڈیو کی کیپشن میں اداکارہ نے لکھاکہ   ایسا لگتا ہے کہ میرا موازنہ ’نورہ فتحی، کترینہ کیف‘ کچھ حیرت انگیز خواتین سے کیا گیا ہے اور میں صرف اتنا کہہ سکتی ہوں کہ مجھے بہت فخر ہے۔

انہوں نے لکھاکہ  مجھے فخر ہے کہ ہماری پاکستانی عوام ان کے کام کو دیکھتی ہے اور ان کی تعریف کرتی ہے۔

اداکارہ نے اس کے علاوہ ’باجی‘، ’گڈ مارننگ کراچی‘، ’زندہ بھاگ‘ اور کئی فلموں میں اپنی ادکاری کے جوہر دکھائے۔