پاکستان شوبز انڈسٹری کی معروف جوڑی اداکار فیضان شیخ اور انکی اہلیہ ماہم عامر نے اداکارہ رابعہ کلثوم اور انکے شوہر ریحان ناظم کے ہمراہ حبیبی گانے پر شاندار ڈانس کیا ہے۔

ویڈیو شیئرنگ پلیٹ فارم یوٹیوب پر جاری کی گئی ویڈیو میں دیکھا جاسکتا ہے کہ فیضان شیخ اپنی اہلیہ اور اداکارہ رابعہ کلثوم اپنے شوہر کے ہمراہ گلوکار  عاصم اظہر کے مشہور گانے حبیبی پر گروپ ڈانس کر رہے ہیں۔

یہ گروپ ڈانس کی ویڈیو سوشل میڈیا پر خوب وائرل ہو گئی ہے جبکہ مداح انہیں ہر فن مولا قرار دے رہے ہیں۔

واضح رہے کہ عاصم اظہر کا حال ہی میں ریلیز ہونے والا گانا حبیبی سوشل میڈیا پر چھا گیا ہے۔

 عاصم اظہر کے اس گانے کو یوٹیوب پر اب تک 4.5 ملین ویوز مل چکے ہیں جبکہ ریلیز کے چند گھنٹوں بعد ہی اس گانے کے چرچے پڑوسی ملک تک پہنچ گئے تھے۔

بھارتی ریپر بادشاہ کی دوستوں کے ہمراہ گانے پر لپسنگ کرتی ویڈیو بھی سوشل میڈیا پر وائرل ہوئی تھی اور گلوگار نے بذات خود بذریعہ میسج عاصم اظہر کو سراہا بھی تھا۔