پاکستان کی مشہور اداکارہ و ماڈل سبیکا امام سوشل میڈیا پر اکثر متحرک نظر آتی ہیں اور اپنے مداحوں کے لئے تصاویر اور ویڈیوز شیئر کرتی رہتی ہیں۔

حال ہی میں ادکارہ نے اپنے انسٹاگرام پر ایک تصویر شیئر کی ہے جس کی وجہ سے انہیں کافی تنقید کا سامنا کرنا پڑ رہا ہے۔

شیئر کی گئی تصویر میں دیکھا جاسکتا ہے کہ معروف ماڈل نے سیاہ رنگ کا غیر مناسب لباس زیب تن کیا ہوا ہے۔

تصویر میں دیکھا جاسکتا ہے کہ اداکارہ جم میں موجود ہیں۔

تصویر کی کیپشن میں سبیکا امام نے لکھا کہ ’ دن کا وہ حصہ جو میں اپنے آپ پر خرچ کرتی ہوں۔

تصویر سوشل میڈیا پر وائرل ہوتے ہی مداحوں کی جانب سے تنقید کا سلسلہ شروع ہوگیا۔

کچھ صارفین نے انہیں مناسب لباس پہن کر ورک آؤٹ کرنے کا مشورہ دیا تو کچھ نے  ان کے اس انداز پر تنقید کی۔

واضح رہے کہ سبیکا امام نے ’شیر دل‘، ’جلیبی‘، ’کوئن‘ اور کئی فلموں میں اپنی اداکاری کے جوہر دکھائے۔