پاکستان شوبز انڈسٹری کی مشہور اداکارہ حرا مانی اکثر سوشل میڈیا پر اپنی تصاویر اور ویڈیوز شیئر کرتی رہتی ہیں لیکن کئیبار انہیں تنقید کا سامنا کرنا پڑتا ہے۔

حال ہی میں اداکارہ نے اپنے انسٹاگرام اکاؤنٹ پر چند تصاویر شیئر کی ہیں جس کی وجہ سے وہ ایک بار پھر تنقید کی زد میں آگئیں۔

شیئر کی گئی تصاویر میں دیکھا جاسکتا ہے کہ حرا مانی نے ہائی نیک پہنی ہوئی ہے اور مختلف پوز میں تصاویر بنوائیں۔

تصاویر کے کیپشن میں اداکارہ نے لکھا کہ ’کراچی میں بارش اور میری یہ تصاویر، نہ ساڑھی نہ بارش دبئی کتنا بور  ہے‘۔

تصاویر سوشل میڈیا پر وائرل ہوتے ہی مداحوں نے ان سے کراچی واپس آنے کی درخواست کی اور یہاں کے موسم کی یاد دلائی۔

واضح رہے کہ معروف اداکارہ نے  ڈرامہ سیریل ’یہ نہ تھی ہماری قسمت‘، ’سن یارا‘، ’دو بول‘، ’میرے پاس تم ہو‘ اور کئی ڈراموں میں اپنی اداکاری سے مداحوں کو متاثر کرچکی ہیں۔