پاکستان کی معروف گلوکارہ حدیقہ کیانی کے پرانے گانے’یاد‘ نے ایک بار پھر سوشل میڈیا پر دھوم مچادی ہے۔

گلوکارہ نے اپنا پرانا گانا ایک بار پھر گایا اور اس بار گانے میں مشہور اداکار نعمان اعجاز بھی ایکشن میں نظر آئے۔

گانے کو سوشل میڈیا پر وائرل ہوتے ہی مداحوں کی جانب سے خوب پسند کیا جارہا ہے۔

واضح رہے کہ گلوکارہ نے پہلی بار یہ گانا 2013 میں گایا تھا جو بہت مشہور ہوا تھا۔

اس سے قبل حدیقہ کیانی اوربھارتی گلوکار سونو نگم نے اپنی آواز کا جادو جگا کر کنسرٹ کو چار چاند لگائے۔

سوشل میڈیا پر ایک ویڈیو وائر ہوئی جس میں دونوں گلوکار دبئی کے کنسرٹ میں گانا گا رہے ہیں۔

ویڈیو میں دیکھا جاسکتا ہے کہ دونوں گلوکار اسٹیج پر موجود ہیں جہاں وہ اپنی آواز سے مداحوں کے چہروں پر خوشیاں بکھیر رہے ہیں۔

دونوں گلوکاروں نے مشہور گانا ’ہونا تھا پیار‘ گایا جس کو وہاں موجود لوگوں کی جانب سے خوب پسند کیا گیا۔

یہ پہلی بار تھا کہ دونوں گلوکار ایک ساتھ گانا گا رہے تھے۔