پاکستان شوبز انڈسٹری کی سابقہ اداکارہ عائشہ خان کے بیٹے کی پہلی جھلک سوشل میڈیا پر وائرل ہو گئی ہے۔

سوشل میڈیا کے مختلف پیجز پر چند تصاویر وائرل ہو گئی ہیں جس میں انہیں شوہر اور دونوں بچوں کے ساتھ دیکھا جاسکتا ہے۔

عائشہ خان کا بیٹا جھولے میں لیٹا ہوا ہے جبکہ اُس کا چہرہ دل والے ایموجی سے چُھپایا ہوا ہے۔

خیال رہے کہ 15 اپریل 2018ء کو عائشہ خان اور میجر عقبیٰ ایک سادہ مگر پروقار تقریب میں شادی کے بندھن میں بندھے تھے۔

اس جوڑے کے ہاں 2019ء میں بیٹی کی پیدائش ہوئی تھی جس کا نام ماہ نور ہے جبکہ رواں سال 20 فروری کو بیٹے کی پیدائش ہوئی ہے جس کا نام اُنہوں نے محمد نائل عقبیٰ خان رکھا ہے۔