پاکستان شوبز انڈسٹری کی خوبرو اداکارہ اور اداکار حمزہ علی عباسی کی اہلیہ نیمل خاور ٹی وی اسکرین پر واپس جلوہ گر ہونے کے لیے تیار ہیں۔

اداکارہ نے حال ہی میں ایک لائیو سیشن رکھا جس میں ان سے پوچھا گیا کہ کیا وہ اسکرین پر واپسی کریں گی؟

جواب میں اداکارہ کا کہنا تھا کہ اگر وہ شوٹنگ کے شیڈول کے ساتھ اپنی فنکاری اور اپنے بچے کا انتظام کر سکتی ہے تو وہ واپس آ سکتی ہے۔

واضح رہے کہ نیمل خاور ایک فنکارہ ہیں اور انہوں نے ماہرہ خان کی فلم ورنا سے اپنی اداکاری کا آغاز کیا، بعد ازاں انہوں نے ڈراموں میں اپنی اداکارانہ صلاحیتوں سے سب کا دل جیت لیا۔

اداکار حمزہ علی عباسی سے شادی کے بعد اداکارہ نے شوبز کو خیرباد کہہ دیا۔