پاکستانی اداکارہ حریم فاروق عالمی وبا کورونا وائرس کا شکارہوگئیں۔

حریم فاروق نے اپنی انسٹاگرام اسٹوری میں کہا کہ ویکسین لگوانے کے بعد بھی بدقسمتی سے میرا کورونا وائرس ٹیسٹ مثبت آگیا ہے۔

ساتھ ہی اداکارہ نے کہا کہ خوش قسمتی سے جس دن مجھے کورونا وائرس کی علامات ظاہر ہوئیں تو میرا اُس دن زیادہ لوگوں سے رابطہ نہیں ہوا۔

اداکارہ نے بتایا کہ میری علامات واقعی خراب تھیں اور پچھلے کچھ دن خوفناک رہے ہیں، بخار اور جسم کا درد ناقابلِ برداشت ہے۔

حریم فاروق نے کہا کہ افسوس کی بات ہے کہ یہ عید تنہائی میں گزار رہی ہوں۔

اداکارہ حریم فورق نے اپیل کرتے ہوئے کہا کہ براہِ کرم! مجھے اپنی دعاؤں میں یاد رکھیں اور مہربانی کرکے عید پر اپنے اور اپنے پیاروں کے لیے احتیاطی تدابیر اختیار کرنا نہ بھولیں۔