پاکستان شوبز انڈسٹری کی دو مشہور اداکاریں مہوش حیات اور صباء قمر اکثر اپنی تصاویر اور ویڈیوز کی وجہ سے ناقدین کے نشانے پر رہتی ہیں۔

دونوں اداکاریں اپنے روز مرہ کے معاملات سوشل میڈیا پر شیئر کرتی رہتی ہیں۔

حال ہی میں سوشل میڈیا پر ایک تصویر وائرل ہوئی جس میں دونوں اداکاروں کو ایک ساتھ دیکھا جاسکتاہے۔

تصویر میں دیکھا جا سکتا ہے کہ دونوں نے مغربی لباس زیب تن کیا ہواہے جس کی وجہ سے ان کو تنقیدکا سامنا کرنا پڑ رہا ہے۔

اداکارہ صباء قمر نے  سیاہ رنگ کا لباس پہنا ہوا ہے جبکہ مہوش حیات نے پیلے رنگ کا لباس زیب تن کیا ہوا ہے۔

دونوں اداکاروں نے پاؤں میں اونچی ہیلز بھی پہن رکھی ہیں۔

تصویر سوشل میڈیا پر وائر ل ہوتے ہی مداحوں میں شدید غصہ  پایا گیا اور دونوں اداکاروں کو تنقید کا نشانہ بنایا۔

واضح رہے کہ مہوش حیات اپنی نئی فلم’لندن نہیں جاؤں گا‘ کی پروموشن میں مصروف ہے۔

یہ فلم عید الضحٰی پر ریلیز کی جائے گی جبکہ اس فلم میں مہوش حیات کے علاوہ اداکار’ہمایوں سعید‘ اور اداکارہ ’کبریٰ خان‘ بھی جلوہ گر ہوں گی۔

صباء قمر نے ڈرامہ سیریل ’چیخ‘، ’فراڈ‘، ’باغی‘ اور کئی ڈراموں میں اپنی اداکاری کے جلوے بکھیرے۔