عالیہ بھٹ ایک خوبصورت اور باصلاحیت  بھارتی اداکارہ ہیں جنہوں نے مختلف بلاک بسٹر بالی ووڈ فلموں میں اپنی سپر ہٹ اداکاری کے لیے سامعین سے بے پناہ محبت اور پہچان حاصل کی۔

عالیہ بھٹ فلمساز مہیش بھٹ اور اداکارہ سونی رازدان کی بیٹی ہیں،انہوں نے حال ہی میں بالی ووڈ کے اداکار رنبیر کپور سے شادی کی۔

عالیہ بھٹ نے ایک حالیہ انٹرویو میں انکشاف کیا کہ ان کا موجودہ پسندیدہ پاکستانی گانا ’پسوڑی‘ ہے۔

اداکارہ نے کہا کہ ہمارے گانے ’کیسریا‘ نے ’پسوڑی‘ کو پیچھے چھوڑ دیا جو میرے پسندیدہ گانوں میں سے ایک ہے لیکن یہ 85 دنوں سے پہلے نمبر پر ہے اور ’کیسریا‘سیدھا نمبر ون پر چلا گیا ہے۔

معروف اداکارہ کئی مشہور بالی وڈ فلموں میں اپنی اداکاری کے جوہر دکھا چکی ہیں۔