مشہور پاکستانی اداکارہ ثانیہ شمشاد نے اپنے بیٹے ازلان کی پہلی سالگرہ کراچی کے رمادہ ہوٹل میں منائی جس کی تصاویر سوشل میڈیا پر وائرل ہو گئی ہیں۔

اداکارہ نے اپنے تصدیق شدہ اکاؤنٹ انسٹاگرام پر چند تصاویر پوسٹ کی ہیں۔

شئیر کی گئی تصاویر میں دیکھا جاسکتا ہے کہ اس موقع پر سب نے سفید لباس کا انتخاب کیا۔

سالگرہ کی تقریب میں اہلخانہ سمیت شوبز شخصیات نے بھی شرکت کی جس میں نمرہ خان کو بھی دیکھا جاسکتا ہے۔

ان تصاویر کو مداحوں کی جانب سے بہت پسند کیا جارہا ہے اور مبارکباد بھی دی جارہی ہیں۔

اس سے قبل اداکارہ ثانیہ نے ایک انٹرویو میں بتایا تھا کہ ان کے شوہر نے ان کی اچھی تصاویر لینے کی خاطر باقاعدہ فوٹوگرافی کا کورس کیا ہے۔

 ثانیہ کا ایک کلپ سوشل میڈیا پر وائرل ہوا تھا جس میں انٹرویو کے دوران ان سے میزبان نے سوال کیا کہ ان کی اتنی اچھی اچھی تصویریں کون لیتا ہے؟

اس پر ثانیہ شمشاد نے بتایا کہ میرے شوہر کو میری تصویریں لینے کا بہت شوق ہے، وہی میری تصویریں لیتے ہیں اور انہوں نے میری تصویروں کے لیے آن لائن کورس بھی کیا۔

ثانیہ نے بتایا کہ ان کے شوہر  انہیں ڈریسنگ، میک اپ اور فوٹو شوٹ کے حوالے سے گائیڈ کرتے رہتے ہیں کہ ان پر کیا اچھا لگتا ہے اور کیا نہیں۔

واضح رہے کہ ثانیہ شمشاد 2019 میں رشتہ ازدواج میں منسلک ہوئی تھیں اور اس خوبصورت جوڑے کا ایک بیٹا بھی ہے۔