پاکستان کی معروف اداکارہ سجل علی ایک بار پھر شدید تنقید کی زد میں آگئیں۔

سوشل میڈیا پر اداکارہ سجل علی کی تصویر وائرل ہو گئی ہے جس میں انہیں مغربی لباس پہنے دیکھا جاسکتا ہے۔

وائرل تصویر میں اداکارہ کے ہاتھ میں ڈیجیٹل ٹیلی کاؤنٹر ہے جسے تلاوت کے لیے استعمال کیا جاتا ہے۔

اس تصویر کو دیکھنے کے بعد کچھ مداحوں نے اداکارہ کے مذہبی پہلو کو دیکھا اور ان کی تعریف کی لیکن چند مداحوں کو یہ پسند نہیں آیا۔

شائقین کا کہنا تھا کہ عبادت سراسر احترام کے ساتھ کرنی چاہئیے، سر پر دوپٹے یا اسکارف کے بغیر کوئی ذکر نہیں ہوتا۔

ان کا کہنا تھا کہ ان کے مداح ہونے کے باوجود وہ اسکارف کے بغیر تسبیح کی حمایت نہیں کریں گے۔

اس سے قبل اداکارہ سجل علی سے ایک سوال کیا گیا کہ ان کی زندگی میں محبت کا کیا مطلب ہے؟

جواب میں انہوں نے کہا کہ میں ابھی تک محبت کے معنی تلاش کررہی ہوں اور میرے پاس آج بھی کوئی جواب نہیں ہے۔

اداکارہ کا کہنا تھا کہ میرے پاس محبت بہت سے طریقوں سے آئی ہے لیکن ابھی تک نہیں جانتی کہ یہ کیا ہے؟ نہیں سوچتی کہ کبھی اس سوال کا جواب تلاش کر پاؤں گی یا نہیں۔

گزشتہ دنوں یہ خبر سامنے آئی تھی کہ اداکارہ سجل علی اور احد رضا میر نے انسٹاگرام سے ایک دوسرے کو ان فالو کر دیا ہے۔

 سجل نے انسٹاگرام سے اپنے ساتھ لکھا گیا احد کا نام بھی ہٹا دیا تھا تاہم اب سجل اور احد نے ایک دوسرے کو انسٹاگرام سے بھی ان فالو کر دیا ہے جس کے اسکرین شاٹس سوشل میڈیا پلیٹ فارمز پر زیرِ گردش ہیں۔

واضح رہے کہ اداکارہ سجل علی اور احد رضا میر کے بارے میں قیاس آرائیاں کی جارہی ہیں کہ دونوں نے راہیں جدا کرلیں ہیں مگر اس حوالے دونوں اداکاروں کی جانب سے تاحال کوئی تصدیق نہیں کی گئی۔