حال ہی میں مشہور بالی وڈ ادکار رنویر سنگھ  کا برہنے فوٹو شوٹ سوشل میڈیا پر وائرل ہوا تھا جس کے بعد اداکار کو کافی تنقید کا نشانہ بنایا گیا۔

سوشل میڈیا پر ایک ویڈیو وائرل ہو رہی ہے جس میں دیکھا جاسکتا ہے کہ  ایک بھارتی این جی او کی جانب سے  ایک ڈبہ تیار کیا گیا جس کے آگے اداکار کی برہنہ تصویر لگائی گئی اور لوگ اس ڈبے میں اداکار کے لئے کپڑے عطیہ کر رہے ہیں۔

وائرل ویڈیو کے کیپشن میں لکھا کہ بھارتی شہر ’ اندور میں ایک این جی او نے رنویر سنگھ کے فوٹو شوٹ کی مخالفت کی ہے اور ان کے لیے کپڑے عطیہ کرنے کی مہم کا اہتمام کیا ہے‘۔

ویڈیو سوشل میڈیا پر وائرل ہوئی تو کچھ صارفین نے این جی او کو تنقید کا نشانہ بناتے ہوئے کہا کہ یہ اداکار کی ذاتی زندگی ہے ان کی مرضی وہ کس طرح سے گزاریں آپ کو کوئی حق نہیں کہ ان کی زندگی کا مذاق اڑائیں جبکہ کچھ صارفین نے اس کی حمایت کی۔

واضح رہے کہ اس فوٹو شوٹ کے بعد اداکار کو کافی تنقید کا سامنا ہے  اور کئی فنکار اس سے متعلق اپنے خیالات شیئر کرچکے ہیں۔