پاکستان شوبز انڈسٹری کی مشہور جوڑی  اداکارہ’منال خان’ اور’احسن محسن اکرام‘ اکثر اپنی تصاویر اور ویڈیوز سوشل میڈیا پر شیئر کرتے رہتے ہیں۔

حال ہی میں احسن محسن اکرام نے بغیر شرٹ کے تصویر سوشل میڈیا پر شیئر کی جس کے بعد ان کی اہلیہ منال خان کا ردعمل سامنے آگیا ہے۔

آئینے کے سامنے کھڑے ہو کر بنائی گئی تصویر کے کیپشن میں احسن محسن نے لکھا کہ  میرے لئے حوصلہ افزائی یہ ہے کہ واپس پہلے جیسی جسامت میں آؤں۔

اداکار کی جانب سے شیئر کی گئی تصویر کے کمینٹ سیکشن میں منال خان نے لکھا کہ’بہت اہم چربی‘۔

واضح رہے کہ 2021 میں اداکاریہ منال خان اور محسن اکرام 10 ستمبر کو شادی کے بندھن میں بندھے۔

منال خان نے ڈرامہ سیریل’ قدوسی صاحب کی بیوہ‘، ’سن یارا‘، ’حسد‘، ’جلن‘، ’عشق ہے‘ اور کئی ڈراموں میں اپنی اداکاری کے جوہر دکھائے۔