ہالی ووڈ اداکارہ ایمبر ہرڈ کو ملٹی ملین ڈالرز کی ڈیل کی پیشکش کر دی گئی ہے۔

غیر ملکی خبررساں ادارے کے مطابق ایمبر ہرڈ کو اداکارجانی ڈیپ سے ہتکِ عزت کا مقدمہ ہارنے کے بعد ایک ملٹی ملین ڈالرز کی ڈیل کی پیشکش ہوئی ہے۔

اس حوالے سے ذرائع نے انکشاف کیا ہے کہ ایمبر ہرڈ گزشتہ ماہ ختم ہونے والے انتہائی مشہور ہتکِ عزت کے مقدمے کے بعد اپنے ایک نئے پراجیکٹ کے بارے میں کافی پرجوش ہیں۔

یاد رہے کہ اداکارہ اپنے سابق شوہر کے خلاف ایک کتاب لکھنے کے لیے ایک بڑی ڈیل کرنے جا رہی ہیں۔

دوسری جانب ایمبر ہرڈ کو ہتکِ عزت کا مقدمہ ہارنے کے بعد اب کسی بھی نئی ہالی ووڈ فلم میں کاسٹ نہیں کیا جائے گا اور اس طرح اب ان کا فلمی کیریئر ختم ہو رہا ہے۔

واضح رہے کہ ایمبر ہرڈ کو فلم ’ایکوا مین 2‘ کی کاسٹ سے نکالنے کے لیے شروع کی گئی  پٹیشن کو بھی 5 ملین لوگ سائن کر چکے ہیں۔