شوبز انڈسٹری کی معروف جوڑی اداکارہ اقرا عزیز اور یاسر حسین نے بیٹے کبیر حسین کی پہلی سالگرہ منائی جس کی تصاویر اور ویڈیوز سوشل میڈیا پر وائرل ہوگئی ہیں۔

گزشتہ روز اقرا اور یاسر نے اپنے بیٹے کبیر حسین کی پہلی سالگرہ منائی ،جس پر انہوں نے گلابی رنگ کا لباس زیبِ تن کیا جبکہ اُن کے بیٹے کو نیلی شرٹ میں دیکھا گیا۔

یاسر حسین نے اپنے انسٹا گرام اکاؤنٹ پر ایک فیملی ویڈیو شیئر کی جس میں اُنہوں نے بیٹے کو گود میں اُٹھایا ہوا ہے اور ساتھ میں موجود اقرا بھی بہت خوش نظر آ رہی ہیں۔

اس موقع پر کبیر حسین کو شوبز شخصیات اور سوشل میڈیا صارفین کی جانب سے محبت بھرے پیغامات بھی موصول ہوئے۔

اس سے قبل اقرا عزیز اور یاسر حسین نے اپنے مداحوں کو بیٹے کی سالگرہ کے حوالے سے کہا تھا کہ ان کا بیٹا کبیر حسین ایک سال کا ہو رہا ہے اور وہ اس بڑے دن کا انتظار نہیں کر سکتے۔

یاد رہے کہ اقرا عزیز اور یاسر حسین 2019ء میں ایک پُروقار تقریب میں رشتۂ ازدواج میں منسلک ہوئے تھے، اور اس جوڑے کے ہاں گزشتہ برس ہی بیٹے کی پیدائش ہوئی تھی۔