بالی ووڈ میں شہرت حاصل کرنے والے  پاکستانی نژاد بھارتی گلوکار عدنان سمیع نے اپنے مداحوں کو تشویش میں مبتلا کر دیا ہے۔

عدنان سمیع نے اپنے تصدیق شدہ انسٹاگرام اکاؤنٹ سے تمام پرانی پوسٹ ڈیلیٹ کر دی ہیں جس کی وجہ سے ان کے مداح تشویش میں مبتلا ہیں۔

انہوں نے تمام پوسٹ ڈیلیٹ کرنے کے بعد ایک ویڈیو اپ لوڈ کی ہے جس میں الوداع لکھا ہے جبکہ ویڈیو کے کیپشن میں بھی الوداع لکھا ہے۔

اس ویڈیو کو دیکھنے کے بعد سوشل میڈیا صارفین کا کہنا ہے کہ عدنان نے گلوکاری کو خیرباد کہہ دیا ہے جبکہ ان کے مداح پُرامید ہیں کہ وہ کوئی نئی شروعات یا نیا گانا پیش کرنے جارہے ہیں تاہم ابھی گلوکار کی جانب سے کوئی بیان سامنے نہیں آیا۔