پاکستان شوبز انڈسٹری کی مشہور اداکارہ نمرہ خان نے اپنی خوبصورتی کے بارے میں بتادیا ہے۔

پاکستانی اداکاروں  کو ان کے بولڈ فوٹو شوٹ کی وجہ سے کافی تنقید کا سامنا رہتا ہے،تاہم اداکرہ نمرہ خان کا بھی اس حوالے سے بیان سامنے آگیا ہے۔

ایک انٹرویو میں ان سے پوچھا گیا کہ آپ ہمیشہ اچھے کپڑے پہنے ہوئے نظر آتی ہیں ،آپ ان لڑکیوں کے بارے میں کیا کہیں گی جن کو لگتا ہے کہ وہ اپنی جلد دکھا کر ہی خوبصورت نظر آئیں گی۔

سوال کے جواب میں اداکارہ نے کہا کہ وہ اپنی جلد دکھانے سے گریز کرتی ہیں،میں ایسے کپڑے نہیں پہنتی جو اپنے والد یا بہنوئی کے سامنے نہیں پہن سکتی۔

اداکارہ نے کہا کہ میں اپنے آپ کو  ڈھانپ کر اسٹائلش دکھنا چاہتی ہوں نا کہ جلد دکھا کر، لہٰذا مداح نمرہ  خان خود کو معمولی کپڑوں میں اسٹائل کرنا پسند کرتے ہیں اور اسی طرح ان کے انداز کی تعریف کی جاتی ہے۔

نمرہ خان نے اپنی اداکاری کا آغاز مزاحیہ سیریز’کس دن میرا ویاہ ہووے گا‘ سے کیا ،جس کے بعود انہوں نے ڈرامہ سیریل’مہربان‘،’اڑان‘، ’خوب سیرت‘، ’میں جینا چاہتی ہوں ‘ اور ’اے مشت خاک ‘ میں اپنی اداکاری کے جوہر دکھائے۔