پاکستان کی نامور میزبان و اداکارہ ندا یاسر ایک بار پھر تنقید کی زد میں آگئیں۔

ندا یاسر نے فوٹو اینڈ ویڈیو شئیرنگ ایپ انسٹاگرام پر دبئی سے اپنی حالیہ ویڈیو پوسٹ کی ہے۔

ویڈیو میں دیکھا جاسکتا ہے کہ ندا یاسر رومانوی انداز میں الگ الگ جگہوں پر پوز دے رہی ہیں جبکہ کیمرے کے پیچھے کوئی ان کا ہاتھ پکڑے ہوئے ہے۔

ویڈیو وائرل ہوتے ہی اداکارہ کو سوشل میڈیا صارفین کی جانب سے شدید تنقید کا نشانہ بنایا جارہا ہے۔

اس سے قبل ندا یاسر نے اپنے تصدیق شدہ اکاؤنٹ انسٹاگرام پر ایک ویڈیو پوسٹ کی تھی۔

شئیر کی گئی ویڈیو میں وہ کہیں جانے کی تیاری کر رہی تھیں اور اپنے کپڑے ، کوٹ ،جوتے اور بیگ وغیرہ دکھا رہی تھیں جو کہ تمام برانڈڈ تھے جسے دیکھنے کے بعد سوشل میڈیا صارفین انہیں شدید تنقید کا نشانہ بنارہے تھے۔

شئیر کی گئی ویڈیو پر صارفین کی جانب سے ان پر کڑی تنقید کی گئی تھی۔

گزشتہ دنوں ندا یاسر اپنے شو کے دوران والدہ سے متعلق گفتگو پر آبدیدہ ہو گئی تھیں۔

 ندا یاسر کا کہنا تھا کہ میں اپنی والدہ کے بارے میں زیادہ گفتگو نہیں کر سکتی، حتیٰ کہ اپنے پروگرام میں بھی جب میں والدہ کو یاد کرتی ہوں تو اپنے آنسوؤں کو نہیں روک پاتی اور بہت افسردہ ہو جاتی ہوں۔

انہوں نے بتایا کہ جس وقت ان کی والدہ کا انتقال ہوا تھا تو وہ اپنی فیملی کے ہمراہ ملک سے باہر تھیں اور کورونا کی شدید صورتحال کے باعث فوراً وطن واپس بھی نہ آسکیں ، جس کا انہیں آج تک رنج وغم ہے۔

واضح رہے کہ ندا یاسر ایک مشہور پاکستانی ٹیلی ویژن میزبان ہیں جو اپنے مختلف تنازعات اور وائرل ویڈیوز کی وجہ سے خبروں میں رہتی ہیں۔

وہ چھٹیوں میں دنیا کے سرفہرست مقامات پر جاتی ہے اور شائقین مختلف دوروں سے اس کی تصاویر کو پسند کرتے ہیں۔