بھارتی ٹینس اسٹار ثانیہ مرزا کی والدہ نسیمہ مرزا کے ہمراہ دلچسپ ویڈیو سوشل میڈیا پر وائرل ہو گئی ہے۔

ثانیہ مرزا نے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی ہے۔

شئیر کی گئی ویڈیو میں ٹینس اسٹار نے والدہ نسیمہ مرزا کے ساتھ کچھ ہندوستانی ثقافتی چیزیں شیئر کی ہیں۔

انہوں نے ویڈیو شئیر کرتے ہوئے کیپشن لکھا کہ کچھ چیزیں صرف ہم ہندوستانی ہی سمجھیں گے۔

ثانیہ مرزا کی یہ ویڈیو ان کے مداحوں کی جانب سے خوب پسند کی جارہی ہے جبکہ مختلف تبصروں کا سلسلہ بھی جاری ہے۔

اس سے قبل سوشل میڈیا کے مختلف پیجز پر ایک ویڈیو وائرل ہو گئی تھی جس میں ٹینس کوئین کو شدت سے جم میں ورک آؤٹ کرتے ہوئے دیکھا گیا تھا۔

گزشتہ دنوں ثانیہ مرزا نے انسٹاگرام پر ایک مزاحیہ ویڈیو شیئر کی تھی جس میں پہلے اُنہیں ایک سافٹ ڈرنک پیتے دیکھا گیا اور پھر بیک گراؤنڈ میں ایک آواز سنائی دی کہ آپ یونیفارم میں کیوں نہیں ہیں؟ جس کے بعد وہ فوری تیار ہو کر آ جاتی ہیں۔

اس سے قبل  سوشل میڈیا پر ثانیہ مرزا کی اردو اور انگریزی کے “سفر” پر ایک اور مزاحیہ ویڈیو کا بھی خوب چرچا تھا جسے دیکھ کر سوشل میڈیا صارفین محظوظ ہورہے تھے۔

ویڈیو اور تصاویر شیئرنگ ایپ انسٹاگرام پر شیئر کی گئی ویڈیو کے کیپشن میں ثانیہ نے لکھا تھا کہ جب لوگ آپ سے پوچھیں کہ ایک بچے اور 8 بیگز کے ساتھ سال میں 30 ہفتے سفر کرنا اور پروفیشنل ٹینس کھیلنا کیسا ہے؟

اس سوال کا جواب ثانیہ مرزا نے انگریزی سے ناواقف خاتون کی آواز پر لپ سنکنگ کرتے ہوئے دیا اور کہا کہ مجھے سفرنگ کا بہت شوق ہے، آئی لَو ٹو سفر، میں سفر کرکر کے ہی یہاں تک پہنچی ہوں، یہ بہت لَولی ہے، مے یو آل سفر۔

واضح رہے کہ پاکستان کے کرکٹ اسٹار شعیب ملک کی اہلیہ و سابقہ بھارتی ٹینس اسٹار ثانیہ مرزا کی جوڑی دنیائے کھیل میں کافی مشہور ہے ، یہ دونوں کھلاڑی سال 2010 میں شادی کے بندھن میں منسلک ہوئے، اور ان کا ایک بیٹا بھی ہے۔