شوبز انڈسٹری کی نامور ورسٹائل جوڑی ریمبو اور صاحبہ اس وقت اپنی فیملی کے ساتھ امریکہ میں سیر سپاٹوں میں مصروف ہیں۔

صاحبہ کی جانب سے اپنے تصدیق شدہ اکاؤنٹ انسٹاگرام پر تصاویر پوسٹ کی گئی ہیں جس میں انہیں اپنے شوہر ریمبو اور بیٹوں کے ہمراہ انجوائے کرتے ہوئے دیکھا جاسکتا ہے۔

تصاویر کو ان کے مداحوں کی جانب سے بہت پسند کیا جارہا ہے۔

اس سے قبل موجودہ حکومت کی جانب سے پیٹرولیم مصنوعات کی قیمتوں میں اضافے کے بعد عوام کے ساتھ ساتھ  شوبز انڈسٹری سے وابستہ اسٹارز بھی حکومت کو پیٹرول کی قیمت بڑھانے پر مسلسل تنقید ‏کا نشانہ بنارہے تھے۔

ویڈیو میں صاحبہ ریمبو سے کہتی ہیں کہ جلدی کریں مجھے دیر ہورہی ہے آپ نے پیٹرول بھروا لیا ہے۔‏

ریمبو کہتے ہیں کہ ہاں ہاں ٹنکی فُل کروائی ہے آجاؤ۔‏

صاحبہ ریمبو کے ساتھ جانے لگتی ہیں اور گاڑی کا دروازہ کھول ہی رہی ہوتی ہیں کہ ریمبو کہتے ہیں کہ ادھر آو ادھر۔

وہ جیسے ہی آگے جاتی ہیں تو موٹر سائیکل کھڑی ہوتی ہے پھر ریمبو کہتے ہیں کہ آج کل ٹنکی صرف اسی کی فل ‏ہوسکتی ہے، پھر دونوں بیٹھ کر چلے جاتے ہیں۔