پاکستان شوبز انڈسٹری کی مشہور اداکارہ سبیکا امام اکثر سوشل میڈیا پر اپنی تصاویر اور ویڈیوز شیئر کرتی رہتی ہیں لیکن کئی بار انہیں اپنے بولڈ انداز کی وجہ سے سخت تنقید کا سامنا کرنا پڑتا ہے۔

حال ہی میں اداکارہ نے اپنے انسٹاگرام اکاؤنٹ پر چند تصاویر شیئر کیں جنہیں دیکھنے کے بعد صارفین کی جانب سے ملے جلے ردعمل سامنے آئے۔

شیئر کی گئی تصاویر میں دیکھا جاسکتا ہے کہ سبیکاامام نے سیاہ رنگ کا مغربی لباس زیب تن کیا ہوا ہے جس کے کیپشن میں انہوں نے لکھا کہ ’ واقعی کچھ کرنے یا کپڑے پہننے کے موڈ میں نہیں تھی‘۔

اداکارہ کی تصاویر سوشل میڈیا پر وائرل ہوئیں تو کچھ صارفین نے ان کی خوب تعریف کی تو کچھ نے انہیں ان کے لباس کی وجہ سے سخت تنقید کا نشانہ بنایا۔

واضح رہے کہ سبیکا امام نے ’شیر دل‘، ’جلیبی‘ اور کئی مشہور فلموں میں اپنی ادکاری کے جوہر دکھائے۔