پاکستان کی ابھرتی ہوئی اداکارہ درفشاں سلیم نے اپنی خوبصورت جِلد کا راز مداحوں کو بتادیا۔

حال ہی میں درفشاں نے یوٹیوب پر ایک ویڈیو اپلوڈ کی جس میں وہ مداحوں کے ساتھ اپنی اسکن کیئر روٹین شیئر کر رہی ہیں۔

انہوں نے ڈی آئی وائے ماسک میں استعمال ہونے والے تمام اجزاء بتائے جن میں جو کا آٹا، بادام کا آٹا، نارنجی کے چھلکے کا پاؤڈر اور دہی شامل تھا۔

ویڈیو میں  دیکھا جاسکتا ہے کہ اداکارہ نے ان تمام اجزاء کو ایک ساتھ ملا کر ماسک تیار کیا جسے وہ ہاتھ کی مدد سے چہرے پر لگا کر بھی دکھا رہی ہیں۔

انہوں نے بتایا کہ وہ اپنی خوبصورت جِلد کے رنگ کے لیے ایک ٹونر بھی بناتی ہیں جس میں چاول کا پانی اور گلاب کی خشک پتیاں شامل ہوتی ہیں۔

اس سے قبل اداکارہ درفشاں سلیم کی سیاہ لباس میں نئی تصاویر وائرل ہو گئی تھیں۔

اداکارہ نے انسٹاگرام پر نئی تصاویر شیئر کی تھیں ، جن میں وہ سیاہ لباس پہنے مختلف انداز سے صوفے پر بیٹھی ہوئی تھیں۔

انہوں نے تصاویر شیئر کرتے ہوئے کیپشن میں لکھا تھا کہ اپنے صوفوں کو استعمال کرنے کے بیس طریقوں میں سے ایک یہ ہے۔

واضح رہے کہ اداکارہ درفشاں سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں جسے ان کے مداحوں کی جانب سے بےحد پسند کیا جاتا ہے۔