بالی وڈ اداکارہ کترینہ کیف کے ’حاملہ‘ ہونے کی افواہیں ایک بار پھر گردش کرنے لگیں۔

غیرملکی خبر رساں ادارے کے مطابق حال ہی میں اداکارہ کترینہ کیف کو ممبئی ایئرپورٹ پر دیکھا گیا تھا۔

کترینہ کیف کی اپنی فلم کی شوٹنگ مکمل کرنے کے بعد ممبئی ایئرپورٹ پر واپس آتے ہوئے ایک ویڈیو سوشل میڈیا پر وائرل ہورہی ہے۔

اس ویڈیو میں اداکارہ کو نارنجی رنگ کی پینٹ اور ڈھیلے ڈھالے سفید رنگ کے ٹاپ میں دیکھا جا سکتا ہے۔

تاہم اداکارہ کترینہ کیف کو اتنے ڈھیلے ڈھالے کپڑے پہنے دیکھ کر بھارتی میڈیا پر ان کے حاملہ ہونے کے بارے میں ایک بار پھر سے قیاس آرائیاں شروع ہوگئی ہیں۔

واضح رہے کہ آج کل کترینہ کیف خود کو میڈیا کی چکاچوند سے دور رکھنے کی کوشش کررہی ہیں۔