بالی وڈ اداکارہ عالیہ بھٹ  اپنے ’بے بی مون‘  سے واپس آگئی ہیں۔

غیر ملکی خبر رساں ادارے  کے مطابق سوشل میڈیا پر ایک ویڈیو تیزی سے وائرل ہو رہی ہے جس میں اداکار رنبیر اور اداکارہ عالیہ کو ائیرپورٹ پر دیکھا جا سکتا ہے۔

رواں سال اپریل میں شادی کرنے والی بھارتی معروف جوڑی عالیہ بھٹ اور چاکلیٹی ہیرو رنبیر کپور جَلد ہی والدین بننے والے ہیں، یہ خوبصورت جوڑی اٹلی میں اپنا بے بی مون منانے گئے تھے۔

عالیہ بھٹ نے اپنے بے بی مون سے ایک تصویر شیئر کی تھی جس میں انہوں نے اپنے چاہنے والوں کی جانب سے ملنے والے پیار کا شکریہ ادا کیا تھا۔

یہ تصویر دیکھ کر اداکارہ سونم کپور کو بھی اپنے بے بی مون کی یاد آ گئی تھی۔

سونم کپور کا کمنٹ میں لکھنا کہ میں بھی اپنے بے بی مون کے لیے یہاں (اٹلی) آئی تھی! یہ بہت خوبصوت جگہ ہے، انجوائے کر۔

واضح  رہے کہ شادی کے فوراً بعد مصروفیت اور فلموں کی طے شدہ تاریخوں کے سبب یہ عالیہ اور رنبیر ہنی مون پر نہیں جا سکے تھے۔