پاکستان شوبز انڈسٹری کی مشہور اداکارہ سارہ خان نے اپنی بیٹی عالیانہ فلک شبیر کی دلچسپ ویڈیو شئیر کردی۔

سوشل میڈیا کے مختلف پیجز پر ایک ویڈیو وائرل ہو گئی ہے جس میں عالیانہ کو کھیلتے ہوئے دیکھا جاسکتا ہے۔

اس ویڈیو میں عالیانہ اپنی والدہ سارہ خان کے ساتھ ہیں اور ٹیشو پیپر کے ڈبے سے ایک ایک کر کر ٹیشو پیپر نکال رہی ہیں۔

اس ویڈیو کے کیشن میں سارہ خان نے لکھا کہ وہ مجھ سے محبت کرتا ہے ،وہ مجھ سے محبت نہیں کرتا۔

وائرل ویڈیو کو سارہ خان کے مداحوں کی جانب سے بہت پسند کیا جارہا ہے اور دلچسپ تبصروں کا سلسلہ بھی جاری ہے۔

اس سے قبل سوشل میڈیا کے مختلف پیجز پر ایک تصویر وائرل ہو گئی تھی جس میں اداکارہ سارہ خان اور میرب علی کو ایک ساتھ دیکھا گیا تھا۔

تصویر میں سارہ کے نئے ہیئر اسٹائل کو ان کے مداحوں نے ناپسندیدہ قرار دیا تھا۔

مداحوں کا کہنا تھا کہ ان کے نئے بینگ ان پر اچھے نہیں لگ رہے اور یہ سارہ کے چہرے کے کٹ کے مطابق نہیں ہیں جبکہ کچھ کا کہنا تھا کہ ان کے لمبے بالوں کی شکل انتہائی خوبصورت تھی۔

ایک مداح نے کہا کہ سارہ کی یہ تصویر اچھی نہیں لگ رہیں، ایک اور مداح نے کہا کہ میرب نے جان بوجھ کر یہ تصویر پوسٹ کی ہے۔

واضح رہے کہ سارہ خان ایک انتہائی خوبصورت، باصلاحیت اور پیاری اداکارہ ہیں۔

اداکارہ نے گلوکار فلک شبیر سے شادی کی ہے، اور اس جوڑے کی ایک پیاری بیٹی عالیانہ فلک بھی ہے۔