پاکستان کی ابھرتی ہوئی اداکارہ درفشاں سلیم کی انتہائی مزاحیہ ویڈیو سوشل میڈیا پر وائرل ہو گئی ہے۔

اداکارہ کی ایک ویڈیو سوشل میڈیا پر وائرل ہو گئی ہے جس میں وہ اپنی اسکن روٹین مداحوں کے ساتھ شیئر کر رہی ہیں۔

https://cdnurdu.bolnews.com/urdu/wp-content/uploads/2022/08/299762118_587009986240714_8193162874136789157_n-online-video-cutter.com_.mp4?_=2

اس ہی دوران درفشاں سلیم اپنی ویڈیو میں کچھ انگریزی کے جملوں کا مداحوں کے لیے اردو میں ترجمہ کرنے کی کوشش کر رہی ہیں جس کو انہوں نے مزاحیہ بنا دیا۔

اداکارہ کی ویڈیو دیکھ کر ان کے مداح خوب محظوظ ہورہے ہیں اور تبصروں کا سلسلہ بھی جاری ہے۔

اس سے قبل درفشاں نے یوٹیوب پر ایک ویڈیو اپلوڈ کی تھی جس میں وہ مداحوں کے ساتھ اپنی اسکن کیئر روٹین شیئر کر رہی تھیں۔

انہوں نے ڈی آئی وائے ماسک میں استعمال ہونے والے تمام اجزاء بتائے تھے جن میں جو کا آٹا، بادام کا آٹا، نارنجی کے چھلکے کا پاؤڈر اور دہی شامل تھا۔

ویڈیو میں اداکارہ نے ان تمام اجزاء کو ایک ساتھ ملا کر ماسک تیار کیا جسے وہ ہاتھ کی مدد سے چہرے پر لگا کر بھی دکھا رہی تھیں۔

انہوں نے بتایا کہ وہ اپنی خوبصورت جِلد کے رنگ کے لیے ایک ٹونر بھی بناتی ہیں جس میں چاول کا پانی اور گلاب کی خشک پتیاں شامل ہوتی ہیں۔

گزشتہ دنوں اداکارہ درفشاں سلیم کی سیاہ لباس میں نئی تصاویر وائرل ہو گئی تھیں۔

اداکارہ نے انسٹاگرام پر نئی تصاویر شیئر کی تھیں ، جن میں وہ سیاہ لباس پہنے مختلف انداز سے صوفے پر بیٹھی ہوئی تھیں۔

انہوں نے تصاویر شیئر کرتے ہوئے کیپشن میں لکھا تھا کہ اپنے صوفوں کو استعمال کرنے کے بیس طریقوں میں سے ایک یہ ہے۔

یاد رہے کہ اداکارہ درفشاں سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں جسے ان کے مداحوں کی جانب سے بےحد پسند کیا جاتا ہے۔