موسم سرما سے تھوڑا قبل ہی پاکستان میں شادیوں کے سیزن کا آغازہو جاتا ہے اور ہر دفعہ ایسے لمحات دیکھنے کو ملتے ہیں کہ دیکھنے والے دنگ رہ جاتے ہیں۔

حال ہی میں ایک اور ایسا منظر دیکھنے کو ملے جس کی ویڈیو سوشل میڈیا پر خوب وائرل ہورہی ہے۔

وائرل ویڈیو میں دیکھا جاسکتا ہے کہ کچھ دوست عاصم اظہر کے مشہور گانے پر ڈانس پریکٹس کر رہے ہیں اور اسی دوران ایک نوجوان لڑکے نے لڑکی سے انوکھے انداز میں محبت کا اظہار کیا۔

ویڈیو میں دیکھا جاسکتا ہے کہ پہلے لڑکا اپنی محبوبہ سے پیار کا اظہار کرتا ہے اور پھر اسے انگوٹھی پہناتا ہے جس کے بعد وہ لڑکی بے انتہا خوش نظر آتی ہے۔

لڑکے کے اس منصوبے کا حصہ اس کے تمام دوست ہوتے ہیں جو اس وقت ان کے ساتھ ڈانس کر رہے ہوتے ہیں۔

ویڈیو سوشل میڈیا پر وائرل ہوئی تو کچھ کو بے انتہا پسند آئی جبکہ کچھ نے کہا کہ یہ سب چیزیں یماری ثقافت کا حصہ نہیں ہے اس  لیے اسے فروغ نہیں دینا چاہئے۔