پاکستان کی خوبرو اداکارہ حرامانی  کی نئی ڈانس ویڈیو نے سوشل میڈیا پر تہلکہ مچادیا ہے۔

سوشل میڈیا کے مختلف پیجز پر حرا مانی کی ایک ویڈیو وائرل ہو گئی ہے۔

وائرل ویڈیو میں اداکارہ کو میک اپ آرٹسٹ کے ساتھ ڈانس کرتے ہوئے دیکھا جاسکتا ہے۔

اس ویڈیو میں حرا مانی کی مسکراہٹ اور ڈانس پوز نے مداحوں کا دل جیت لیا اور وہ اداکارہ کی تعریف کرنے پر مجبور ہو گئے۔

اس سے قبل اداکارہ نے اپنے تصدیق شدہ اکاؤنٹ انسٹاگرام پر چند تصاویر پوسٹ کی تھیں جس میں انہوں نے غیر مناسب لباس زیب تن کیا ہوا تھا۔

ان تصاویر کو دیکھ کر سوشل میڈیا صارفین اداکارہ کو شدید تنقید کا نشانہ بنا رہے تھے۔

گزشتہ دنوں سوشل میڈیا پر ایک ویڈیو وائرل ہو گئی تھی جس میں حرا مانی اور ان کے شوہر کو دیکھا گیا تھا۔

ویڈیو میں مانی کو کہتے ہوئے سنا گیا تھا کہ جتنے بھی ہوشیار بیٹھے ہیں سن لیں ان سب کے لیے ہے کہ ہم لندن میں بیٹھے ہیں اکھاڑ لو جو اکھاڑنا ہے کچھ نہیں کر سکتے تم لوگ۔

انہوں نے مزید کہا تھا کہ خوش رہو یار ہمیں پھر بھی محبت ہے آپ سے۔

یاد رہے کہ حرا مانی کی بیرونِ ملک لندن میں کنسرٹ کی ویڈیو سوشل میڈیا پر وائرل ہوگئی تھی جس میں انہیں بےعزتی کا سامنا کرنا پڑا تھا۔

ویڈیو میں حرا مانی اپنی پرفارمنس میں کانسرٹ کے شرکاء کو بھی شامل کرنا چاہ رہی تھیں مگر سامنے بیٹھے لوگ نہایت اُکتائے ہوئے اور خاموش نظر آئے۔

انہوں نے گانے کے کچھ بول گا کر مائیک شرکاء کے سامنے کیا مگر سب چپ رہے۔

جس پر اداکارہ نے کہا کہ میرے ساتھ گا کر اس پرفارمنس میں میرا ساتھ دیں ورنہ میں پرفارمنس شروع نہیں کروں گی، لیکن اس کے بعد بھی شرکاء چپ رہے۔

اسی دوران حرا مانی نے تھک ہار کر پاکستان زندہ باد کا نعرہ لگایا جس پر ناظرین نے بھرپور ردِ دیا۔

اداکارہ نے اس لائیو پرفارمنس کے دوران مغربی لباس کا انتخاب کیا تھا۔

ویڈیو کے وائرل ہوتے ہی سوشل میڈیا صارفین حرا مانی پر خوب تنقید کر رہے تھے۔

صارفین کا کہنا تھا کہ حرا کو یاد ہونا چاہئیے کہ وہ ایک اداکارہ ہیں گلوکارہ نہیں جبکہ کچھ صارفین نے حرا مانی کے پہناوے پر تنقید کی۔