معروف کامیڈین اور ٹی وی میزبان تابش ہاشمی نے سیاست میں آنے کا اعلان کردیا ہے۔

حال ہی میں معروف کامیڈین نے اپنے دیئے گئے ایک انٹرویو میں کیرئیر کے آغاز سمیت مختلف نجی اداروں کو جوائن کرنے اور چھوڑنے کی وجوہات بتائیں۔

ان کا کہنا تھا کہ ناظرین کی بہت بڑی تعداد ٹی وی دیکھتی ہے، میں نے مقصد بنا لیا ہے کہ مجھے اگلے 3 ، 4 سالوں میں زیادہ سے زیادہ عوام کی حمایت چاہیے کیونکہ میں نے سیاست میں آنے کا فیصلہ کر لیا ہے۔

انہوں نے کہا کہ میں صرف ذہن بناتا ہوں باقی اللہ اس کو مکمل کرتا ہے اور مجھ میں اسکلز اتنی ہیں کہ میں کسی بھی جگہ 3 سے 4 سال سے زیادہ نہیں ٹھہرتا۔