پاکستان شوبز انڈسٹری کی معروف اداکارہ اور سوشل میڈیا ایکٹیوسٹ دنانیر سیریز ’فاطمہ جناح‘ میں ایک صحافی کا کردار ادا کر رہی ہیں۔

ایک سوشل میڈیا پیج نے دعویٰ کیا ہے کہ نئی سیریز ’فاطمہ جناح‘ میں اداکارہ دنا نیر ایک صحافی انیتا پونم والا کا کردار ادا کریں گی جسے انہوں نے اپنی انسٹاگرام اسٹوری پر بھی شیئر کیا ہے۔

دنانیر نے اس سیریز میں اپنا لک بھی انسٹاگرام اکاؤنٹ پر شیئر کرتے ہوئے کہا ہے کہ اس تصویر میں اُنہوں نے ذرا سا بھی میک اپ نہیں کیا، بس کاجل اور گریسی ہیئر اسٹائل بنایا ہے۔

سوشل میڈیا پر ان کی پہلی جھلک وائرل ہونے پر مداحوں کی جانب سے  ان کے لیے نیک تمناؤں کا اظہار کیا جا رہا ہے۔

اس سے قبل دنانیر اور ان کی دوستوں کی یومِ آزادی منانے کی ایک ویڈیو سوشل میڈیا پر وائرل ہوگئی تھی جس میں دنانیر زور زور سے باجا بجا رہی تھیں، ویڈیو میں اداکارہ کبریٰ خان اور یشال شاہد بھی موجود تھیں۔

یاد رہے کہ 14 اگست جو کہ پاکستان کا یومِ آزادی ہے، بہت سے پاکستانی بچے قومی دن منانے کے لیے ان آلات کو بجاتے ہیں۔