پاکستان شوبز انڈسٹری کی مشہور اداکارہ کبریٰ خان اکثر سوشل میڈیا پر اپنی تصاویر اور ویڈیوز شیئر کرتی رہتی ہیں۔

معروف اداکارہ مزاحیہ طبیعت کی بھی ہیں جس کا ثبوت ان کی مزاحیہ ویڈیو ہے جو سوشل میڈیا پر وائرل ہورہی ہے۔

ویڈیو میں دیکھا جاسکتا ہے کہ اداکارہ  میک اپ آرٹسٹ بابر ظہیر کے ساتھ  ایک انوکھے انداز میں ہنس رہی ہیں جسے مداحوں کی جانب سے خوب پسند کیا جارہا ہے۔

واضح رہے کہ کبریٰ خان  حال ہی میں آخری بار بلاک بسٹر فلم ’لندن نہیں جاؤں گا‘ میں مہوش حیات اور ہمایوں سعید کے ساتھ اداکاری میں نظر آئیں۔

ندیم بیگ کی ہدایت کاری اور خلیل الرحمان قمر کی تحریر کردہ فلم (لندن نہیں جاؤں گا) عیدالاضحی پر ریلیز ہوئی ہے اور باکس آفس پر شاندار بزنس کیا ہے۔