بالی ووڈ کے لیجنڈری اداکار انیل کپور نے اپنی دو فلمیں فلاپ ہونے کی وجہ بتادی۔

اداکار نے ایک شو میں بطور مہمان شرکت کی میزبان نے انیل کپور سے سوال کیا کہ آپ نے فلم لمحے کے بعد بغیر مونچھوں کے کوئی فلم کیوں نہیں کی؟

جواب میں انہوں نے مسکراتے ہوئے کہا کہ جس فلم میں مونچھیں صاف کیں وہ فلم بھی صاف ہوگئی۔

انیل کپور کا کہنا تھا کہ بغیر مونچھوں کے بنائی جانے والی فلموں کا باکس آفس پر حال دیکھ کر طے کرلیا تھا کے آئندہ کبھی اس طرح فلمیں نہیں کروں گا۔

واضح رہے کہ اپنی مونچھوں کی وجہ سے الگ پہچان رکھنے والے اداکار انیل کپور نے 1991 میں  فلم لمحے اور 1998 میں فلم جھوٹ بولے کوا کاٹے میں مرکزی کردار ادا کیا تھا جبکہ 2007 کی فلم سلام عشق میں بھی انیل کپور کچھ دیر کے لیے مونچھوں کے بغیر جلوہ گر ہوئے تھے۔