پاکستان شوبز انڈسٹری کے مشہور اداکار احد رضا میر اکثر سوشل میڈیا پر اپنی تصاویر اور ویڈیوز شیئر کرتے رہتے ہیں جنہیں مداحوں کی جانب سے خوب پسند کیا جاتا ہے۔

حال ہی میں سوشل میڈیا پر ایک ویڈیو وائرل ہوئی جس میں معروف اداکار کو ساتھی اداکاراؤں کے لئے کھانا بناتے ہوئے دیکھا جاسکتا ہے۔

یہ ویڈیو اس وقت کی ہے جب اداکار کی نیٹفلکس سیریز ’ریزی ڈینٹ ایول‘ شوٹ ہورہی تھی۔

ویڈیو میں سنا جاسکتا ہے کہ احد رضا میر کہتے ہیں کہ یہ ’کڑاہی‘ ہے جسے پاکستانی بہت پسند کرتے ہیں اور مجھے بھی بہت پسند ہے۔

ویڈیو سوشل میڈیا پر وائرل ہوئی تو مداحوں کی جانب سے خوب پسند کیا گیا اور اداکار کی تعریف کی گئی۔

واضح رہے کہ معروف اداکار نے ڈرامہ سیریل ’یہ دل میرا‘، ’یقین کا سفر‘، ’عہدِ وفا‘ اور کئی ڈراموں میں اپنی اداکاری سے مداحوں کو متاثر کیا۔