پاکستان کے نامور اداکار و گلوکار فرحان سعید نے عروہ حسین کے ساتھ میری پیاری ڈیانا میں کام کرنے سے انکار کردیا ہے۔

فرحان سعید اور عروہ حسین کےایک ساتھ اسکرین پر جلوہ گر ہونے کا سن کر مداح بے حد خوش تھے تاہم اب یہ خبر سامنے آئی ہے کہ فرحان سعید اس پروجیکٹ سے دستبردار ہو رہے ہیں جبکہ فرحان سعید کی جگہ اب علی رحمان خان کو رکھا گیا ہے اور اس ڈرامے کی شوٹنگ سال کے آخر تک مکمل ہونے کی امید ہے۔

 اس سے قبل فرحان سعید کا ایک کلپ بھی سوشل میڈیا پر کافی وائرل ہوگیا تھا، جس کے بعد کئی سوالات اٹھے تھے۔

فرحان سعید نے اس پروجیکٹ کے حوالے سے بات کرتے ہوئے کہا تھا کہ جی ہاں یہ درست ہے کہ میں اور عروہ ڈرامہ سیریل میری شہزادی ڈیانا میں کاسٹ کیے گئے ہیں اور ہم دونوں ساتھ کام بھی کریں گے لیکن میں اس حوالے سے یقین سے کچھ نہیں کہہ سکتا۔

فرحان سعید نے کہا تھا کہ ڈرامہ سیریل میری شہزادی ڈیانا کی کہانی انہیں بہت پسند آئی ، جس کی شوٹنگ کا بھی آغازہو گیا ہے۔