کوک اسٹوڈیو کے مشہور گانے’پسوڑی‘ نے ہر کسی کو اپنے سحر میں مبتلا کیا ہوا ہے اور ہر کسی کا پسندیدہ گانا بنا ہوا ہے، ایسے میں پاکستان کی معروف اداکارہ ماہم عامر نے بھی ظاہر کردیا ہے کہ گانا ان کو بے حد پسند ہے۔

حال ہی میں اداکارہ نے اپنے انسٹاگرام اکاؤنٹ پر ایک تصویر شیئر کی جسے مداحوں کی جانب سے خوب پسند کیا جارہا ہے۔

شیئر کی گئی تصویر میں دیکھا جاسکتا ہے کہ ماہم عامر نے سیاہ رنگ کی ٹی شرٹ پہنی ہوئی ہے جس پر گانے کا ایک جملہ ’اگ لاواں مجبوری نوں‘ لکھا ہواہے۔

ماہم عامر نے تصویر کے کیپشن میں جملے کو مکمل کرتے ہوئے لکھا کہ ’آن جان دی پسوڑی نوں‘۔

اداکارہ کی تصویر سوشل میڈیا پر وائرل ہوئی تو صارفین کی جانب سے خوب پسند کی گئی، کسی نے ان کے انداز کی تعریف کی تو کسی نے ان کی خوبصورتی کی تعریف کی۔

واضح رہے کہ ماہم عامر نے ڈرامہ سیریل ’سایہ‘ بابل کا انگنا‘ اور کئی مشہور ڈراموں میں اپنی ادکاری کے جوہر دکھائے۔