پاکستان کے معروف یوٹیوبر، پرینگسٹر، کامیڈین و میزبان نادر علی کے ہاں بیٹے کی پیدائش ہوئی ہے۔

نادر علی کے ہاں 9 محرم الحرام یعنی گزشتہ روز بیٹے کی پیدائش ہوئی ہے اور انہوں نے اپنے فیس بُک اکاؤنٹ کے ذریعے یہ خوش خبری مداحوں کے ساتھ شئیر کی ہے۔

شئیر کی گئی پوسٹ میں معروف کامیڈین نے لکھا کہ 9 محرم الحرام 1444 ہجری کو اللّٰہ نے مجھے اور میری پیاری بیوی کو بیٹے کی نعمت سے نوازا ہے، الحمدلِلّٰہ۔

نادر علی نے لکھا کہ کاش ہم اپنی خوشی کو لفظوں میں بیان کر سکتے، اللّٰہ ہمارے بیٹے کو ہماری آنکھوں کی ٹھنڈک بنائے اور اسے اپنے مقصد کے لیے چن لے، ہمیں اپنی دعاؤں میں یاد رکھیں۔

واضح رہے کہ ڈیجیٹل پلیٹ فارم یوٹیوب پر پوڈ کاسٹ پر سیکڑوں معروف شخصیات کے انٹرویوز کرنے والے کامیڈین نادر علی نے بہت کم عرصے میں لوگوں کے دلوں میں گھر کرلیا ۔