پاکستان شوبز انڈسٹری کی معروف اداکارہ اور سوشل میڈیا ایکٹیوسٹ دنانیر کی مزاحیہ ویڈیو سوشل میڈیا پر وائرل ہو گئی ہے۔

سوشل میڈیا پر وائرل ویڈیو میں دنانیر کو پنجابی ڈائیلاگز پر لپسنگ کرتے ہوئے دیکھا جاسکتا ہے جسے مداحوں کی جانب سے بہت پسند کیا جارہا ہے۔

اس سے قبل ایک سوشل میڈیا پیج نے دعویٰ کیا تھا کہ نئی سیریز ’فاطمہ جناح‘ میں اداکارہ دنانیر ایک صحافی انیتا پونم والا کا کردار ادا کریں گی جسے انہوں نے اپنی انسٹاگرام اسٹوری پر بھی شیئر کیا تھا۔

دنانیر نے اس سیریز میں اپنا لک بھی انسٹاگرام اکاؤنٹ پر شیئر کرتے ہوئے کہا تھا کہ اس تصویر میں اُنہوں نے ذرا سا بھی میک اپ نہیں کیا، بس کاجل اور گریسی ہیئر اسٹائل بنایا ہے۔

سوشل میڈیا پر ان کی پہلی جھلک وائرل ہونے پر مداحوں کی جانب سے  ان کے لیے نیک تمناؤں کا اظہار کیا گیا تھا۔

گزشتہ دنوں دنانیر اور ان کی دوستوں کی یومِ آزادی منانے کی ایک ویڈیو سوشل میڈیا پر وائرل ہوگئی تھی جس میں دنانیر زور زور سے باجا بجا رہی تھیں، ویڈیو میں اداکارہ کبریٰ خان اور یشال شاہد بھی موجود تھیں۔

یاد رہے کہ 14 اگست جو کہ پاکستان کا یومِ آزادی ہے، بہت سے پاکستانی بچے قومی دن منانے کے لیے ان آلات کو بجاتے ہیں۔