پاکستان کی معروف اداکارہ عائشہ عمر اکثر سوشل میڈیا پر اپنے مداحوں کے لئے تصاویر اور ویڈیوز  شیئر کرتی رہتی ہیں لیکن کئی بار انہیں تنقید کا بھی سامنا کرنا پڑتا ہے۔

حال ہی میں اداکارہ نے اپنے انسٹاگرام اکاؤنٹ کا رخ کیا جہاں انہوں نے چند تصاویر شیئر کیں جس کی وجہ سے وہ ناقدین کے نشانے پر ہیں۔

شیئر کی گئی تصاویر میں دیکھا جاسکتا ہے کہ اداکارہ نے سفید اور گلابی رنگ کا لباس زیب تن کیا ہو اہے جو کہ مداحوں کو بلکل پسند نا آیا۔

تصاویر سوشل میڈیا پر وائرل ہوئیں تو ناقدین نے اداکارہ کو آڑے ہاتھوں لے لیا،کسی نے انہیں مشورہ دیا کہ وہ خوبصورت لباس زیب تن کریں تو کسی نے کہا کہ ہمارا کلچر ایسے لباس کی اجازت ہرگز نہیں دیتا۔

واضح رہے کہ ’بلبلے‘ سے شہرت پانے والی اداکارہ نے کئی ڈراموں اور فلموں میں اپنی اداکاری کے جوہر دکھائے۔